張家朗奧運奪金｜連翊希激讚心臟強大　感動謂：值得全香港人學習

張家朗今日凌晨出戰男子花劍個人賽，與意大利劍手馬池連番激戰後，在決一劍階段打足3次，最終取勝成功衛冕，成為香港體壇史上首位連奪兩金的劍手。而近日無綫在採訪巴黎奧運的表現獲得外界好評，今次擔任專業評述的香港劍擊女將連翊希亦在直播出講出張家朗奪金的強大心理質素，值得運動員及所有人學習。

連翊希在張家朗衛冕奪金後，在直播中詳談欣賞決賽的感覺，並表示外界很多人都認為張家朗非常有信心及冷靜，但其實去到中段家朗有些少迷失：「其實唔係一路順風、唔係一帆風順，中段嘅時候對手多次令佢破咗防，佢係唔知點算，但係去到最關鍵嘅時刻，落後緊兩劍，佢及時調整得返。」

講到決一劍階段，張家朗兩次出劍得手，但裁判都翻看錄影帶宣布無效，最終能成功奪金，連翊希感動表示：「呢種心態係非常值得學習，因為講緊去到呢個水平嘅劍擊比賽，佢實力係毋庸置疑，大家都唔會質疑佢嘅實力，但係呢個心態好值得我自己、所有劍手、所有運動員，甚至全香港所有人學習。」