龍婷與人夫丘亞葵車廂激吻惹風波　李佳爆對方最新狀況

《中年好聲音》龍婷與人夫丘亞葵車廂激吻「Hello Kiss」斷正，惹起全城關注。事後男方急忙否認緋聞，指自己與龍婷清清白白，更火速清空社交媒體疑似避風頭。

今日（27/7）李佳現身荃灣出席TVB《荃城齊撐運動員》宣傳活動時，就事件接受《香港01》訪問說：「其實事件曝光咗之後，佢應該都會好唔開心，所以我都有電話聯絡佢，去慰問佢，始終喺《中年好聲音》比賽嘅時候大家成日相處。（佢心情點？）佢都Ok，佢好正面。（你信唔信佢同丘亞葵戀情？）又冇話信唔信，因為公司都出咗聲名，變咗我都冇再去追問佢。（佢平時係咁熱情？）我識佢唔係囉，之前我喺報道講過，第一次見佢，同佢打招呼，佢都唔係咁熱情啦。（佢對女仔唔熱情，可能對男仔熱情。）咁呢個我又唔知啦，但佢都對我好嘅。（你會唔會熱情到錫男性朋友個嘴？）如果要錫，我都只係錫我老公同個仔。（唔怕錫其他男仔？）當然啦。」