陳凱琳透露暑假孖全家旅行享受陽光海灘　唔敢着性感泳衣：驚走光

陳凱琳今日（27日）出席救助兒童頒獎典禮，並在台上透露今天是二仔生日。她接受《香港01》 表示：「今日係二仔四歲生日。陣間完咗呢個活動同佢去慶祝，我哋今日就會喺屋企慶祝，會有魔術師同我哋一齊玩吓遊戲，同埋切吓蛋糕。」她透露老公鄭嘉穎有陪伴二仔去揀生日禮物，並表示自己挑選的禮物才是最實際。

笑言二仔未有心儀對象

被問到現時二仔的升學情況，她說：「二仔現在嚟緊升K2，都係好開心去玩，冇乜功課嘅學習環境。」至於孩子有否透露現在已經有心儀的女孩，她表示：「冇呀！而家都係做吓朋友，大仔陪二仔返學都有個照應，喺學校方面都識咗好多唔同嘅朋友。」

唔敢着性感泳衣

談及小孩適逢放暑假，她透露即將會第一次一家五口會去旅行：「八月尾嘅時候我哋一家人都會去旅行，去吓陽光與海灘，呢一排都曬到好黑，可能去完返嚟仲黑。」被問到會否刻意買新泳衣去拍一些照片留念，她回應：「我自己最緊要係安全（款式），同小朋友都會玩到追逐，比較穩陣啲嘅泳衣，都唔會好性感。」她直言很害怕會走光。