《早霸王》瘋傳8月停播網民鬧梁嘉琪累全家　森美︰佢冇咁嘅力量

森美今晚（26/7）現身灣仔出席經典英文原版音樂劇《MAMMA MIA！》首映。對於有指他主持的商台節目《早霸王》將於8月5日摺埋，有網民鬧爆梁嘉琪表現累全家。森美接受《香港01》訪問時表示：「以往電台有一啲重大嘅節目，我哋嘅節目都會作出調動㗎。而呢個節目係大到冇得再大，直頭係第一。不過我而家就唔講得住，可能大家會諗有咩節目連森美都要讓一讓位呢。」

被問到節目改動是暫時性？森美表示：「應該都係暫時性，始終嗰個環節都唔係好長，大家值得留意。多謝大家關心我嘅生計，如果冇節目做，我都係食穀種啦。（記︰改動是否梁嘉琪所累？）咁佢又冇咁嘅力量，哈哈，暫時佢嘅表現影響力冇咁大，你可放心，哈哈！如果佢嘅表現影響到個節目，都係我力有不逮啫。如果佢咁少嘅力量都可以令到我冇咗份工嘅，咁佢就太勁啦，你哋太睇得起佢。」