莊韻澄離婚︱莊端兒2020年宣布改名望催桃花　數月後即奉子成婚

現年42歲的莊韻澄（Xenia），2020年結婚後誕下一子，但7月26日突然宣布，與另一半分居。其實她入行時叫莊端兒，2020年時宣布改名後不久即奉子成婚。

2020年7月Xenia出席活動時，透露獲高人指教改名轉運催桃花，笑言端兒已死：「個新名我已經擇咗好日子，到時先可以透露得，師傅話我本身個舊名，好似一把刀咁好鋒利，而且之前都割咗個膽，咁我數過，我再冇器官可以再割，就咗條盲腸之外就冇，就係因為咁自己都會驚，開始對個名好抗拒，所以改咗佢，師傅話改咗新名之後，姻緣就會好快嚟，呢一年至二年結咗婚生埋仔就行運啦！」同年11月即與圈外男友呂成忠簽紙結婚。同年12月宣佈懷孕三個月，2021年3月，誕下兒子呂崇滈 (乳名：波子)，惜婚姻只維持3年多。