Ian陳卓賢唱足七場唔夠喉自評70分 感激張敬軒開導：係令我好咗
撰文：鄺鈺瑩
出版：更新：
陳卓賢一連七場個唱圓滿結束，完騷後，Ian接受訪問時依然十分精靈，仲話唔場唔夠喉，問到想開多幾場，佢就話：「無諗，做人唔可以set limited，要衝破。我無實質數字，但睇嚟唱落去都OK。體力一定應付到，反而之前擔心把聲撐唔撐到七場，前期有練習聲帶，唔會俾人覺得攰。」Ian又十分謙虛評價今次表現 70分，仲話自己出細到而家未曾俾過自己滿分，每次都覺得可以做好啲。
講到嘉賓方面，Ian笑言今次係一個交友平台，因為有部分嘉賓之前並不認識，但大家都因音樂而連結在一起。「招駕唔住Serrini，都預咗，不過佢唔係整蠱我，都好多謝佢令氣氛好好。」而尾場嘉賓張敬軒，Ian表示一知道自己有個唱時，已邀請對方，但因為檔期問題未成事，最後討量預錄形式呈現。「初初認識佢時，佢開導我好多，嗰時開導係令我之後好咗，所以唔係今次幫我好多，所以係感激佢以往嘅開導。」