童顏女星開騷再唱經典作獲讚唱功有進步　復古造型激似小鳳姐

現年42歲的薛凱琪（Fiona）一向擁有Baby Face，出道20年仍Keep住凍齡靚樣，更被內地網民封為「香港最後一個少女」。近年專注在內地發展的薛凱琪，因參加綜藝節目《乘風破浪3》而人氣急升，工作接不停，早前她就聯同林峯、吳若希、衛蘭及蕭正楠在汕頭舉行拼盤騷，更獻唱了初出道時的經典作《奇洛李維斯回信》！

薛凱琪上載了一條短片，並寫道：「奇洛李維斯回信❤️剩下的你聽到我嗎？」一開聲已經令網民驚呼回憶返晒嚟！薛凱琪全程唱得非常投入，充滿感情，不少網民都大讚她唱功大有進步：「唱功越來越好狀態越來越好」、「而家live好掂啊，快啲開演唱會啦」、「唱live好咗好多」、「想不到阿Fi現場這麼穩」。不過亦有人將焦點放在薛凱琪的造型上，身穿露背連身裙的她戴上手套，再加上一頭蓬鬆捲髮，網民笑指激似徐小鳳：「差條波點裙就變成小小鳳姐」、「勁似徐小鳳」、「小鳳姐咁」！