陳自瑤前度又撈唔掂宣布雞腳店執笠 曾獲稱飲食業鉅子4年買2層樓
撰文：張寧兒
出版：更新：
40歲蔡淇俊曾是無綫（TVB）力捧小生，2014年離開TVB後，他便轉型做北上做生意，近年因被拍到在在廣州擺檔賣雞腳爆紅。近來蔡淇俊自爆米線店、火鍋店、美容院均執笠，並轉型做直播帶貨及網商，謀求殺出一條血路！
蔡淇俊日前再宣布雞腳店準備執笠。蔡淇俊拍片分享轉型做直播主心得，並勉勵自己不要再經歷執笠，充滿正能量。有人睇完片後留言稱想支持蔡淇俊雞腳店：「雞腳店在哪里？有無定位？過去包攤」，蔡淇俊回覆：「準備倒閉了 幫襯櫥窗吧兄弟」。
蔡淇俊曾躊躇滿志進攻飲食業，一度獲稱為內地飲食業鉅子，更被指身家暴漲4年買兩層樓，可惜之後連續執笠。蔡淇俊今年2月曾解釋，當初因接不到戲才決定去賣雞腳，蔡淇俊無奈道：「其實你無辦法㗎，你真係生活唔到，你為咗搵食，你一定要做第二樣嘢，一定要做副業，咁我咪賣吓雞腳囉。」