黎展峯聲演張家朗自覺難以置信　期待霹靂舞賽事：有香港運動員

黎展峯（Andy）昨日（22日）出席《奧運第一台》啟播探班活動，並在台上分享即將聲演張家朗，他接受《香港01》 訪問表示：「感受就係好難以置信，我當時係有睇上一屆奧運，佢入咗決賽再攞冠軍，到我聲演嘅時候所有畫面浮現返晒出嚟，我好熱血都好感恩有呢個機會。」他繼續指有幸今次可以唱主題曲，並表示：「快歌為主比較熱血，為運動員打氣。」

被問到最希望觀看那一項奧運賽事，他坦言：「霹靂舞比賽，係今年新增嘅項目，都有香港嘅運動員參加，同埋希望香港人接觸啲新嘅運動。」講到較早前播出的電視劇集《飛黃騰達》中表現出色，他表示：「都有不斷去上堂，嚟緊就去返歌手嘅身份先，嚟緊都拍緊MV，應該會出新歌，都係同今日嘅主題有關比較熱血啲。」