王晶認拍純港人口味電影難翻本：而家一定要拍內地市場片
撰文：吳子生
出版：更新：
香港導演王晶今晚（22/7）現身電視城出席TVB Plus《直播靈接觸》節目直播。提到本港戲院經營環境艱難，繼Cinema City星影匯及朗豪坊分店宣佈結業之後， MCL Cinema（洲立影藝）日前(7月17日)於facebook專頁公布，位於南區鴨脷洲海怡半島的MCL海怡戲院因租約期滿，將於8月1日起結束營業，為今年累計第5間戲院宣佈結業。
王晶接受《香港01》訪問時表示：「以前因為冇乜嘢娛樂，變咗睇戲就係最主要嘅娛樂同社交。同埋而家太多各式各樣嘅娛樂，加上經濟又唔係咁好，變咗每人都唔需要睇咁多戲，同埋而家網上面都可以睇到好多好嘅戲，咁大家就冇咁大需求。（會唔會港產片質素下降，吸引唔到觀眾入場？）係因為香港嘅觀眾同內地嘅口味係有啲距離，同埋你而家一定要拍內地市場嘅片，先可以能夠搵到錢，如果純香港嘅係好難翻本。變咗純港式就好難會有利潤。所以你睇到今年香港政府都支持港片上內地，當中又會補貼，其實就係鼓勵大家拍啲香港同內地都鍾意睇嘅戲。」