伍允龍懶理被批用老人電話殼 力撐舊愛鍾嘉欣開騷：始終都係朋友
撰文：張祖銘
出版：更新：
伍允龍今日（22日）腳傷上陣出席《奧運第一台》啟播探班活動，他接受《香港01》 訪問表示：「拍戲有個特技出咗少少意外，不過差唔多一個禮拜前就拆咗線，回復得好好㗎啦！」他指康復出院後開始接拍文戲部份。
懶理被批用老人電話殼
提到有網民指伍允龍至今仍然使用「老人家電話殼」，他表示：「我唔係幾明白老人家殼定後生仔殼，對我嚟講都係電話殼。（唔追求款式？）我唔係咁追求，我覺得唔使追求嘅嘢，好實際同埋好用得，同埋電話都唔平，我覺得電話嘅功能係重要過電話殼。」
力撐舊愛鍾嘉欣開騷
講到舊愛鍾嘉欣今日出席另外一個公開活動表示舉行演唱會，會否去撐場支持，他說：「我都係今日先知道佢（鍾嘉欣）有演唱會，如果有邀請我一定會去撐場，因為始終都係朋友。」