劉美君評樂壇新歌手聲音難認 錄音不重質：老是仿傚以前歌手
撰文：李妍樺
出版：更新：
歌手劉美君8歲已經做童星拍廣告，中學畢業之後就投身演藝工作，她活躍於80年代，是有名的實力派歌手，經典電影主題曲《午夜情》無人不曉。除了音樂部份，她還演出過電影和電視劇，可謂歌、影、視三棲藝人，08年憑電影《我不賣身、我賣子宮》獲得金馬獎最佳女主角獎，最為90後熟悉的，莫過於她在TVB音樂選秀節目《超級巨聲》做主持，她尖銳的主持風格叫大家一見難忘。
+7
近幾年劉美君慢慢淡出樂壇，最近更榮升做「嫲嫲」，好事成雙，今年10月將會在紅館舉行演唱會。離開了樂壇一陣子的她將現今的樂壇比喻做「Fast Fashion」，價錢便宜，款式又轉得很快，她解釋道：「唔知幾時開始唔重質，唔理你唱得好唔好，全部都可以喺電腦度調教好晒，喺我地個年代係要唱到好為止，唱得唔叻就要唱十日八日，唔知幾多個十個鐘。」對於現在的歌手，她認為他們的聲音沒有「ID」，讓別人不能一下子就辨認出是誰，歸根究底她覺得是因為新的歌手老是仿傚以前的歌手，「做Icon要係嚟自自己嘅嘢，好似Sam Hui、林子祥、梅艷芳咁，比如我企喺陳慧嫻側邊，又或者陳慧嫻再企喺林憶蓮側邊，你唔會分唔出呢三個人 ，咁呢個咪就係每一個人既獨特性！」
+4
樂壇這麼大，歌手那麼多，打開收音機聽歌劉美君根本分不清是哪個歌手在唱，但她唯獨鍾情Gin Lee（李幸倪），「佢唔係嗰種巨唔巨星味道嘅歌手，佢係嗰種實實在在識唱歌嘅歌手，佢真係唱歌冇得頂！」