鍾嘉欣難以置信廣州個唱門票火速售罄：我好似已經Out咗成十年
撰文：吳子生
出版：更新：
鍾嘉欣今日（22/7）現身尖沙咀出席產品活動。鍾嘉欣受訪時透露，現正積極備戰8月廣州個人演唱會：「呢排不斷咁鍛鍊好自己個身體，同埋背緊歌詞練緊舞。而今次返嚟都係一件好事，始終都係我第一場騷，咁所以我係好希望做到最好。同埋自己都有好多目標，都好想可以喺香港開騷。（門票開售火速賣清！）其實你哋知唔知，我係好怯。喺未賣之前，我心諗死啦，我好似已經Out咗成十年，究竟有冇人嚟㗎？當時真係好驚唔係講笑。但到咗出嚟之後，竟然一秒賣晒，嗰吓自己都唔敢相信。然後個心定返落嚟，我就同自己講，無論售票理唔理想都好，都唔會影響到我嘅表現。」