波波黃婧靈泰國開工水著放題：視覺上會衝擊到大家

波波黃婧靈早前去泰國拍攝新一輯《冲遊泰國》，今日（21日）波波現身荃灣，出席「全城迎奧運」活動，見她曬得一身古銅色肌膚，似乎在泰國十分盡興。波波接受訪問時以「水著放題」形容今次拍攝，九成時間都在暴曬，但自覺值得。「今次係第一次喺電視機前著比堅尼，真係無試過咁赤裸，今次係擺底咗好多第一次。（你定冬蔭妹性感啲？）無得比，因為都唔一樣風格，我希望今次帶到新鮮感俾大家，因為佢哋都係第一次同香港藝人合作。」

波波又劇透畫面會因為有唔同顏色和款式的泳裝而十分好睇，「希望視覺上衝擊到大家，因為真係無試過，都解鎖埋衣著突破，真係涼浸浸，好癲！無試過幾日都無咩布咁。」波波又話做足打底工作，膠紙亦都痴到足，而她最後更劇透有比裸背按摩更好睇嘅畫面，大大提升節目觀賞度。