40歲李彩華嫌中佬體力差 齋揀小鮮肉：追求者由98至03年都有
撰文：鄺鈺瑩
出版：更新：
長駐內地工作嘅李彩華，今早現身大埔出席活動，她表示疫情結束後，已由上海搬返香港，雖然在內地有物業，但一直未有入住，每次到內地工作都會住酒店。提到感情事，李彩華都好坦白咁話桃花運雖然好咗，但依然未著落，仲話「希望盡快啦，係有追求者，但可能唔係成日見，所以唔係有好大感覺。（要求成日喺身邊？）我係鍾意，當然唔想佢喺身邊時 ，佢就唔好喺度，唔可以話呼之欲出，揮之即去，係大家時間要吻合。」
李彩華仲話而家只係要小鮮肉，最細追求者03年都有，仲話自己咩年齡都接受，但目前都係以拍拖為主，未有結婚打算，而年齡差距最大一段係相差14歲，可惜戀情只維持了一年。「我以前只係要年紀比我大，但唔知幾時開始，淨係要細過我。譬如一齊出去玩，會叫對方幫手影相，佢哋踎低咗起唔返身，咁我即刻覺得唔得啦，影相都唔得！咁OK，明晒！」