港姐2024｜佳麗程姜月認似蔡潔有着數：有熱度多咗人認識我

無綫今日（15/7）假將軍澳舉行記者招待會，並安排《2024香港小姐競選》15位候選佳麗會晤傳媒。有翻版蔡潔之稱佳麗程姜月（Dolores)接受《香港01》訪問時，直言不擔心選美期間被爆黑材料：「因為自己係冇黑材料俾人寫，同埋而家我係單身，單身原因就唔係因為選美而分手嗰種。（樣貌似蔡潔同李佳芯，會唔會有壓力？）壓力係有，但又唔想話唔想似佢哋嘅，其實呢個都係好事，但都有負面嘅影響，好處就係有熱度令到更加多人認識我，唔好嘅地方係會有壓力驚自己會有咩地方做得唔夠好。（有冇睇佢哋啲劇？）好少，因為而家返工冇時間，好多時工作至凌晨一點先至返屋企，變咗冇時間睇劇。」