蘇雅琳Ivy So踢波遇暴雨濕晒　索性瞓地重現「打波先嚟落雨」經典

「打波先嚟落雨，唔通連個天都唔鍾意我呀？」這個廣告一見到字都有聲，而近日COLLAR的蘇雅琳（Ivy So）就沉迷踢波，成為前香港足球代表隊隊長陳偉豪學生，不過又咁啱近來天氣極不穩定，Ivy每次都「踢波先嚟落雨」，所以她索性與波友將這條經典片段重現，在暴雨下踢波拍片，短片中陳雅媛（Joann）扮演四眼仔，而Ivy就飾演「唔知㗎，希望在明天吖嘛！」的好友，當時水位幾乎浸沒球鞋，但幾位無懼暴雨瞓球場，完全唔怕淋病。

Ivy將這段片放上網，留言：「夜闌人靜 好似最啱po呢啲黐線片：）喺水上樂園踢完波之後 等歐國盃決賽嘅期間 我懷着憤怒同不忿 剪咗呢條片 宣布片入邊嘅咁多位 都係癲佬🤗點解我十次踢波有九次都落雨…」隊友Candy留言曬命指自己無論在澳門還是香港時都冇雨，而教練陳偉豪就讚：「你兩個落咁大雨都諗到野玩 仲拍得咁出色 十分欣賞👏🏼👏🏼😂😂」Fans們更封Ivy做「雨神」。