無綫花旦公然對羅子溢發花癡合照尖叫大笑　表白欣賞之情勁尷尬

近日，郭晉安、羅子溢（原名羅仲謙）、江嘉敏等人在機場酒店拍攝《金式森林》的一場家族慈善晚會戲份，《東張西望》也有到場採訪，江嘉敏在接受訪問時被爆對羅子溢「甜絲絲」，一出場更不斷發花癡。鄧凱文替江嘉敏向羅子溢表達好感說道：「其實佢（江嘉敏）同我哋講咗個祕密，佢話唔同你講得嘅，佢話好開心可以同你合作，佢甜絲絲咁講。」羅子溢之後回應表示：「但我平時同佢對戲我feel唔到」。

江嘉敏之後加入接受訪問，即笑言：「早知唔亂講嘢啦！」又尖聲和大笑，情緒彷彿失控似的。鄧凱文問到江嘉敏對羅子溢的感覺，江嘉敏就笑住表示：「好尷尬，唔好望住我，好怕醜依家」，羅子溢也顯得有點不好意思。鄧凱文提議兩人合照留念，羅子溢識做地表示：「嘉敏好畀面我。」他們一起擺出搞笑甫士合照。江嘉敏又表示如果早知道會這樣，她就不會透露自己對羅子溢的欣賞之情。而網民就表示對於江嘉敏公然發花癡睇到好尷尬。