郭珮文樂意出人形攬枕　不介意着三點式拍寫真：唔可以露點

郭珮文今日（13日）出席《剪裁魔法師》拜神，她在接受《香港01》訪問時表示：「今次我係做設計師嘅Model。」她透露今次服裝以中性設計和禮服為主。

被問到今次服裝的尺度，她說：「比較貼。（要減肥keep fit？）我不嬲比較叛逆，冇特別注意，但昨天佢哋就話我水腫，跟住就要即刻急救。（邊個部位水腫？）穿着套衫嘅時候突然之間有啲肉走咗出嚟。」至於有否刻意控制飲食減肥，她坦言：「減少少，我係認命肥咗就肥咗。」

提到早前所分享的街拍照片大受網民歡迎，她坦言有留意網民評價，她續指街拍的情況：「咁又冇，冇人理我，或者經過你喺度做緊啲咩？影相好無聊。」她再次強調並沒有被男人搭訕，並表示：「冇試過，一次都冇喎！」

樂意出人形攬枕任宅男收藏

講到若果有廠商邀請推出寫真集，會否考慮接拍攝工作，她直言：「寫真集梗係好啦！我鍾意藝術嘅相。（能否接受三點式上陣拍攝？）可以啊！唔可以露點嗰啲，正常泳衣嘅都可以接受。」提到若果推出人形攬枕系列讓宅男收藏，她笑言：「有人想要我嘅？如果有嘅我梗係唔介意啦！」