愛回家｜何晉樂懶理網民批Joe角色樣衰：絕對唔介意

何晉樂（Rock）今日（10/7）現身電視城出席無綫處境喜劇《愛·回家之開心速遞》宣傳造勢活動。對於在劇中飾演龍家三房兒子龍舟Joe角色，一登場就惹負評，慘遭網民留言鬧爆：「呀joe鋪排咁耐搵佢黎做真係浪費晒」、「橫掂咁嘅造型，不如揾c君做好過」、「傻下傻下咁，真係睇唔落」。

Rock就事件接受《香港01》訪問時說：「其實經過《聲夢傳奇》之後，我已經免疫咗。而最重要係要知道邊一啲負評係有用，同埋有養份嘅，我睇完就會返去檢討。（有啲留言為鬧而鬧！）呢啲我就懶理，一係就笑返佢哋轉頭，一起就我係我，我絕對唔介意。不過我都有試過覆網民，佢話我個造型好樣衰，我就會話佢你慢慢接受啦。不過點好，我都會繼續做好呢個角色。」