60歲JoeyTang因被嘲「紅色老爺車」發奮健身　除衫騷爆肌震撼網絡

殿堂級樂隊太極的主音兼結他手Joey Tang（鄧建明）已年屆60，有肚腩都是人之常情，但他近年卻積極操弗，不時展示健身成果。不過更厲害的是，日前他貼出一張裸上身的照片，除衫騷肌，胸肌和腹肌都非常震撼！

Joey哥說：「Me做咗幾十年人,從來都冇試過fit過一次！」他解釋自己決心練大隻的原因，是曾被人以名曲《紅色跑車》嘲諷，笑他已是「老爺車」，表示：「有次飲嘢有條友同我講，你哋而家唔再係紅色跑車la，係紅色老爺車🙄我而家要同佢講返，就算我呢部係老爺車，我依然都係一部紅色老爺嘅跑車！大家覺得我呢個歲數keep到咁都算係咁啦，係咪？你哋答係就係我一個好好嘅鼓勵！我答先！係！」很多人都留言讚他Fit到漏油，強尼讚他是「中佬典範」，馬啟仁Keyman更封Joey哥為唯一偶像，有人更搞笑叫他去做CK代言人。