無綫一線小生台中「裸跑」超吸睛　有望頂替「裸跑王」王浩信

無綫過往不少劇集都曾出現「裸跑」場面，由周嘉洛﹑吳偉豪﹑鄺潔楹﹑江嘉敏和吳子冲等合演嘅新劇《武林》，日前喺台中嘅一中商圈進行拍攝，由網上影片所見，周嘉洛同吳偉豪身穿白色浴袍stand by，導演一叫roll機，二人脫下浴袍，身穿肉色打底褲喺大街上狂奔，但最後仍未有黑道人物制服。

雖然台中網民對周嘉洛同吳偉豪唔多認識，但二人嘅body點都有一定吸引力，故昨晚網上有不少周嘉洛同吳偉豪「裸跑照」。並問「一中在拍什麼」。周嘉洛曾《新四十二章》、《愛‧回家之開心速遞》晒肌，而在《痞子殿下》更全裸露股上陣，今次玩埋裸跑，大可挑戰「裸跑王」王浩信位置。而喺出發台灣前，周嘉洛都有去到健身室「加操」，仲發文表示「人點解要操嘢？因為想啲嘢粗啲」，睇嚟「加粗」成功。