牛雜妹李亦喬走出陰霾繼續籌備婚禮 超豪過大禮大疊金牛畀禮金
撰文：洪曉璇
出版：更新：
31歲牛雜妹李亦喬（Monnie）去年7月宣布答允男友求婚，將榮升人妻，及後經歷父母粉麵店結業，愛犬出意外受襲，更令她流產相當痛心﹗收拾心情後二人繼續籌備婚禮，近日進行過大禮儀式，未婚夫除了準備八塊大過塊面嘅心型花膠扒，禮金盒更放滿金牛相當豪氣。
牛雜妹李亦喬宣布將做人妻 首度公開拍拖6年男友外貌：Yes I do
「牛雜妹」李亦喬愛犬遭狂噬入ICU 怒轟惡犬主人拒賠15萬醫療費
Monnie及未婚夫招仔與大批過大禮物資合照，笑得相當燦爛，雙方家長都表示滿意。Monnie指：「事前好緊張，從未見證過過大禮，乜都唔識，搵專業人士親身教我未婚夫點準備同擺靚啲過大禮用品，先有咁靚既場面。招仔將禮金盒放滿金牛，wedding planner都話未試過咁吸睛。」
MONNIE又指：「過大禮當日有星級姊妹同兄弟團幫手，氣氛一流，爸爸媽媽都非常滿意。好開心我2隻狗仔都可以一齊見證住呢個幸福時刻。接住落嚟就要忙8月3日婚禮嘅事，我開始忙著設計新娘形象，招仔已經電左髮，好多謝專家好友們幫手，我地相信一切都會順利。」