黎彼得爆許紹雄曾向羅莽「問候老母」險大打出手　高層出面勸交

現年74歲的黎彼得（Peter哥）上個月在YouTube頻道推出節目單元「深入淺出香港粗口文化」，除了向觀眾表達香港粗口文化之外，更大爆當年許紹雄曾向羅莽「問候老母」險打架一事，他說：「有個故事就係我嘅同事嚟嘅，因為老母呢兩個字而嗌交，呢一個主人翁就叫做歡喜哥（許紹雄），佢嗰次就同羅莽師傅嗌交，因為就係話老母。」他憶述羅莽對許紹雄說：「喂，你講咩都得，你就唔好問候我老母。」

黎彼得大讚許紹雄是喜劇演員

幸好雙方未有大打出手，黎彼得表示：「繼而就冇動武。如果動武，我諗我要去歌連臣角搵歡喜哥先啱，結果有兩個高層經過見到佢哋嗌交，就勸交，拆掂佢，大家都係同事。無謂啦！都係一兩句說話，結果歡喜哥真係有風度，佢就同羅師傅道歉。」他轉述許紹雄向羅師傅的對話：「你話我問候你老母呀嘛！我以後就唔x你老母，OK！仲有一句我發誓以後都唔會再x你老母，咁就講咗三句，重要嘅嘢講咗三句。」他大讚許紹雄是喜劇演員，並表示：「有急才，好嘢，值得一讚！」