我推的野男LIVE！｜胡蓓蔚唔敢介紹大隻仔畀胡定欣　揭姊妹心頭好

無綫（TVB）全新製作全港首個直播互動猛男選秀騷《我推的野男LIVE！》昨日（5日）於電視城舉行面試，一共有10位參賽者會見傳媒，而節目主持人就包括火火、陸浩明、胡蓓蔚、支嚳儀。胡蓓蔚接受《香港01》訪問表示：「第一次見到報咗名想參加比賽嘅參賽者，佢哋都好高質，唔係講笑，我未試過一個下午兩個鐘可以見到咁多肌肉，嗰個準則梗係以我老公單立文嘅偶像李小龍為主。」

透露「胡說八道會」好姊妹鍾意有內涵男仔

被問到對哪一位參賽者印象最難忘，她表示：「其中有一位佢都幾多才多藝，除咗係做健身教練之外，佢又識得唱歌劇，仲識唱意大利歌劇，我估唔到佢唱得幾唔錯。仲有一位年紀最大嘅暫時係61歲，佢自己都係有超級有毅力，佢嘅比例係非常好。」

提到會否介紹優質參賽者讓「胡說八道會」現時單身的胡定欣和姚子羚認識，她笑言：「吓咁都得，你當我現在嚟係揀男朋友，呢個都係一個好好嘅建議，我諗諗先！唔得㗎！我睇有好多人都係已婚，有好多都唔係單身唔可以。」講到好姊妹有否透露喜歡大隻仔，她回應：「佢哋鍾意內涵嘅。」