矚目配角｜程可為曾發夢被男鬼求婚索命：佢叫我行出花架跌落街！

程可為一生有不少奇遇，讀訓練班第一年曾被男鬼求婚索命，更遊說她走出花架自殺。她說：「返無綫訓練班，返到夜晚都差唔多返屋企食飯，嗰晚我以為媽咪喺樓上，叫我行快步啦，開飯啦！我應咗一聲啫，返到屋企就發夢，一個好乾淨嘅棺材，一對男裝尖鞋，有一把好老嘅聲音同我講要娶我做老婆。」

攝影錄製：葉志明
後期剪接：葉思雅
場地：何蘭正（Ho Lan Jeng）

程可為向對方解釋人鬼殊途，可惜對方不接受。同樣的夢發了6、7晚，對方更叫她行出花架自殺，「我話我行出花架咁咪跌落街，佢話：『你死多次啦，死一次唔夠啊你！』」程可為媽媽只給她幾元到樂善堂看醫生，期間程可為遇見高人指點，「佢話：『你今日遇到我，係你嘅緣分。你時間唔多啦，佢唔會放過你㗎啦！』」高人叫她立即回家哀求媽媽，媽媽終聽勸，到某個地址做一些事，程可為才大步檻過。

程可為深信天無絕人之路，「你點解覺得今生你咁難過，你只可以相信我，係過往嘅日子，唔係你今生，所造出嚟唔應該做嘅事，嗰個罪孽留返嚟，今生喺呢個世界上，重複要你受返嗰種罪惡。」