李龍基自爆王青霞入獄後對自己係考驗：好多女人話要做我女友

李龍基將於7月21日於麥花臣場館舉辦《真情流淚 基不可失》演唱會，今日基哥現身記者招待會，除了演唱會事宜外，基哥亦有回應王青霞事件。女友早前判刑，要入獄25個月，基哥坦言刑期與預期有落差，比想像中長，令他非常難受。

不過基哥已學識接受現實，但女友入獄對他來說是打擊亦是考驗，「對我嚟講係一個好大嘅考驗⋯⋯（點解係考驗？）我⼀個人喺出面，嘩，你知啦，我哋做呢行有好多吸引引誘，（呢段時間有冇異性埋身？)我得嘅！我都唔怕講喇，真係，直情好多⋯⋯Chris都知，有人WhatsApp我，横掂都係喇，不如我做你女朋友啦。（有幾多個女人揾你？）唔講喇，係有嘅。（兩隻手數得哂？）⼀隻手（啲人知你有未婚妻都照搵你？)會架，直情會架！佢地知道『你一年喎，你點等呀？我做住你女朋友先啦，咁樣㗎！」他笑笑口回應：「好呀！」但之後就冇理睬對方。問到會否令女士誤會，他說不會，相信對方可能只是開玩笑，見他悲傷就令他開心。

至於那些示愛的女人是否與他認識，他說有認識亦有不認識，始終藝人的電話號碼很易被流出。被問Chris會否擔心他變心，基哥說：「佢有擔心，所以我每次探佢都叫佢無需擔心，我每次都對燈火發誓一定會娶佢。」希望女友對他有信心。