反黑英雄｜朱晨麗與富二代傳緋聞 回應兩人關係答案充滿玄機
撰文：林迅景
出版：更新：
朱晨麗今日（30/06）出席劇集《反黑英雄》宣傳活動，活動未開始之前，已見到4名助手替她打理事務，又幫她拍片影相打燈，待遇果然與眾不同。朱晨麗接受《香港01》訪問時解釋，其實只是公司的工作人員，坦言近年因為還需要宣傳內地社交平台，所以才多了這些小幫手。
除了工作之外，近日最多新聞談及朱晨麗的感情生活。問到最近的感情狀況，她坦言：「冇乜特別啦，都係嗰句啦，都係隨緣冇得急。如果焦急同埋焦慮，反而結果未必太好，所有嘢隨遇而安，遇到嘅時候就會坦然啲。」
有新聞指最近朱晨麗與一位「很要好」的富二代圈外朋友傳緋聞，她解釋：「傳嘅，朋友啫，唔知點解冇啦啦會傳。」記者再追問兩人的相熟程度「有幾朋友」，她就回答：「大家暫時都係朋友囉。」有沒有發展空間呢？她續說：「都係注重做嘢囉。如果嚟到嘅話我都唔會抗拒，冇嘅話都唔一定要點樣。（男朋友）都係睇夾唔夾各方面，個個人都想要有錢，但係唔係話（想）有就即刻有。」記者問道「有冇人追？」朱晨麗就十風趣的回答：「我係咪要熄咗個咪同你私底下傾呢？哈哈哈哈。」之後她續說：「正常囉。」