姚嘉妮驚爆離婚後首分享近況　同仔女去泰國旅行大曬招牌長腿

現年45歲的姚嘉妮與60歲林祖輝在6月中突然驚爆離婚，二人承認已分開多年，一對子女由雙方共同撫養，至於離婚原因二人都不欲多言，只強調不涉及第三者，雙方保持友好關係。而自離婚消息被爆出後一直未有公開露面的姚嘉妮，昨日（28日）終於在IG分享近況，她寫道：「小小的假期為自己和小朋友一齊义义（叉叉）電，打打氣！終於回來了，嚟緊嘅日子，工作已經排得密麻麻！我一定會更加努力去工作，更加努力做好自己嘅本分！多謝大家一直嘅關心同支持，你哋嘅祝福已經轉化為我嘅力量，多謝大家💪🏽💪🏽💪🏽！love you all💕💕💕」

原來姚嘉妮早前同子女去了泰國曼谷旅行，她曬出幾張在酒店影的靚相，相中所見，身穿米白色連身短裙的姚嘉妮在泳池邊留影，一雙招牌長腿十分吸睛，她更在露台欣賞日落靚景，相當識歎，而網民亦紛紛留言大讚，又為她打氣：「加油嘉嘉」、「開心就得」、「Cheer up」、「大家一定會支持你」！