蔡思貝大方承認暫時冇劇拍　交代年輕男「猥褻」案進展：極唔尊重

TVB視后蔡思貝今日（27日）出席拉麵店活動，她在接受《香港01》 訪問時表示：「好開心，今日嚟到拉麵店剪綵，我自己都好鍾意食拉麵。」她透露自己除了喜歡吃拉麵之外，並表示：「我都好鍾意食嘢，去唔同嘅地方食當地嘅嘢食。」

被問到拍完劇集《飛常日誌》之後，現時的工作安排，她說：「有做唔同類型嘅工作，但拍劇就冇，現在準備一個唔同類型嘅工作，到時候再同大家講。」她暫時只肯透露工作內容是一個節目。講到是否希望能夠接拍新劇，她說：「我想有一個好角色同埋好劇本，無論係拍戲定拍劇，總之有好嘅劇本都期待。」

講到較早前到警署報案指控年輕人曾上載印有「蔡思貝」報紙作出「猥褻」行為一事，她表示：「之前都同警方跟進咗落咗口供嘅，咁我覺得交畀佢哋處理，而黃家駒嗰邊又做出咁嘅行為我覺得係極唔尊重。」至於會否考慮上庭指控，她表示：「呢個到時先算。」