炎明熹傳不續約無綫向外闖 何晉樂：佢係一個好有想法嘅人
撰文：吳子生
出版：更新：
何晉樂今日出席《奧運智·識·玩》節目錄影。（陳順禎攝）
何晉樂（Rock）今日（26/6）現身將軍澳電視城出席《奧運智·識·玩》節目錄影。對於有傳炎明熹（Gigi)約滿離巢無綫慘遭雪藏，連累日前港台頒獎禮也未能現身出席，Rock接受《香港01》訪問時表示：「其實平常我同佢都有兩句，不過關於合約咁私隱嘅問題，變咗我就唔會特別過問，如果我就去問，怕佢會嬲豬，如果佢想搵人傾偈嘅，都可以搵我傾嘅。」
何晉樂表示Gigi對歌曲好有想法。（陳順禎攝）
被問到Gigi是否一個好有自己想法的人？Rock表示：「佢對歌好有諗法，而且仲有一首歌佢自己做埋監製，咁所以我一直覺得Gigi係一個好有想法嘅人，佢喺呢一方面一直都發緊光發緊亮。（佢有冇向外發展嘅諗法？）其實我又唔知喎，但佢可以喺內地參加唔同嘅音樂節目又出騷，我諗佢係有好大發展嘅空間，變咗可以發掘到更加多嘅可能性，之前同佢拍咗好多短片，同埋玩過好多綜藝節目，大家一齊玩都玩得好開心，咁所以我好相信佢喺各方面都可以發展得好好。」