流行都市｜林秀怡否認嘲諷馮盈盈「優雅坐姿」感委屈：大家誤解我

馮盈盈早前獲邀上無綫節目《流行都市》任嘉賓，在分享選港姐心得時，慘被主持人林秀怡窒爆場面超尷尬，有網民留言戥盈盈不值。

今日（26/6）事件關鍵人物林秀怡現身將軍澳電視城出席無綫節目《一條麻甩佬在東莞》記者會，就事件接受《香港01》訪問時說：「我梗係唔係笑佢啦，嗰個笑係笑我自己，過往除咗拍劇，做節目我都係做返自己。嗰個笑純粹係笑自己喺度坐得好端正，心諗我可唔可以做港姐呀？因為呢個係自己嘅夢嚟，但現實自己唔係港姐嘛。咗所以都係純粹講吓笑。（負面新聞出咗會否帶來壓力？）完全冇壓力。因為我同盈盈本身有合作過，大家都好好朋友，咁所以大家都明，係冇咁嘅意思，所以就冇乜所謂。咁但係大家都誤解咗我係好慘，我係完全冇咁嘅意思，不過都唔緊要，大家睇得開心就得。」