炎明熹疑被TVB雪藏 梁思浩爆曾有男一拒續約：要去處境劇做侍應
《聲夢傳奇》出身奪冠後即升小天后的炎明熹，近日傳出即將約滿，不續約準備離巢TVB亦隨即傳出被雪藏，連港台頒獎禮都未有現身。梁思浩吳家樂在網上節目《娛樂好好玩》中提及炎明熹傳約滿離巢無綫一事時，爆料曾有一線男星當年被雪：「雪其實都唔夠叫你去做嘢慘，磨滅意志。）
梁思浩吳家樂在網上節目中，提到二人都曾因不續約而被TVB雪藏過：「假設約滿真係唔續，TVB要雪佢都…個個都雪架啦，TVB有無雪過你呀？」去年宣布離巢無綫，結束30年賓主關係的吳家樂亦笑言：「緊係有啦，但我本身唔多嘢做，雪唔雪都無幾多，雪咪裝備自己。但好多藝人多年嚟傾時唔同條件都真係有影響。」
及後梁思浩繼續爆料：「我第一次離開TVB時係有被雪過嘅，但雪其實都唔夠叫你去做嘢慘（做一啲完全唔係你做嘅嘢？）磨滅意志嘅仲慘。有一個男一喺訪問度話，我都做到電視台男一啦，我唔續約啫，都唔使叫我去處境劇做侍應幫人落單。」吳家樂即撇清：「我有扮侍應落單，但我唔係男一所以唔關我事。」男一身份令人好奇，梁思浩提供的線索有：「90年代男星，真係好紅，依家仲喺呢行，（黎耀祥？歐陽震華？陶大宇？）類似呢種，真係男一，後期去電影，又有返電視界。」引起猜猜他是誰熱潮。
思浩言論一出隨即引起猜猜他是誰熱潮，就吳家樂所提及的三個男星黎耀祥、`歐陽震華、陶大宇，翻查當年紀錄，黎耀祥90年代離巢TVB後電影作品最多，1998年與無綫合約完結後未獲挽留，在沒有任何片約下到電影圈闖蕩，《愛你愛到殺死你》、《生化壽屍》、《陰陽路》系列和《低一點的天空》等都成為經典，但離巢前仍未至男主角之位。
陶大宇90年代憑《壹號皇庭》及《刑事偵緝檔案》系列，站穩男一之位，1997年基於合約問題與無綫電視鬧翻，加入王晶旗下拍電影又主演亞視劇集《縱橫四海》在收視方面一度打敗無綫多部劇集，但離巢前未見有參演處境劇。至於歐陽震華看似從未離開過TVB每年有劇播出，但當年拍完《壹號皇庭》曾想轉部頭約，拍下幾套電影但未獲TVB批準，《壹號皇庭》播出同年參演過處境劇《愛生事家庭》飾演Andy一角，非要角而且網上全無演出痕跡，未知是否梁思浩口中的侍應角色。