MC張天賦掃獎不忘留意DJ SODA性感打扮　等對方搵自己集郵

MC張天賦橫掃五獎成「第45屆十大中文金曲」大贏家，他以《世一》歌詞「被封榜首很難負荷」形容心情，接下來嘅目標係要對得起所拎嘅獎。九展結束運作在即，MC表示由未出道到出道都在九展參加過不少活動，今晚獲獎更算是一個完滿結束。「最難忘係喺九展拍嘢，當時因為住得遠又窮，所以留喺九展過夜。」

頒獎禮今晚請來韓國嘅DJ SODA演出，坐第一排嘅MC似乎十分投入對方演出，他說：「第一排一定要投入！（佢著得好性感）哦，咁性感都一定有留意嘅（搵佢集郵？）睇下方唔方便，或者佢都識我，搵我集郵呢？！」而身穿Deep V晚裝嘅DJ SODA，喺頒獎禮後結束後，擺出多個甫士任影唔嬲。