十大中文金曲｜洪嘉豪久未奪歌曲獎感興奮　預告年底或到澳門開騷

洪嘉豪（Kaho）憑《只要你不尷尬》奪「十金中文金曲獎」，他在後台接受訪問時表示已經好耐無拎過歌曲獎，加上Star Hall 有著不少回憶，所以十分有意義。Kaho表示無論在music zone 或Star Hall 都有舉行過歌迷聚會或演唱會，他仍記得開場前與MC嘅緊張。

Kaho 曾表示其創作歌關注度較低，今次得獎確實加強自信。「好開心，個個做音樂嘅都好盡力，但盡力之餘都⋯因為自己以前無足夠嘅運氣，但又得到大家嘅喜歡，今次得到呢個獎係會令自己自信咗。因為早排真係對自己寫歌無咩信心，甚至懷疑自己。但拎完獎會繼續寫，希望再多啲。」

Kaho 在台上透露年底有演唱會，他表示公司在洽談澳門站，但今次未必會再騷纖腰，因為紅館騷時有點過火。

另外，問到最近有否關心老友AK，Kaho表示從不過問AK私事，所以不便評論。