花姐否認「燒雞」story意有所指 拖姜濤落水：你幾時拍拖？
撰文：林得懿
出版：更新：
姜濤今日現身麥當勞兒童愛心馬拉松，熱到噴汗。（陳順禎攝）
MIRROR成員陳瑞輝（Frankie ）圈外女友Christy連日被揭黑歷史，雖然Frankie已就事件表態澄清沒有一腳踏兩船，但未有回應女友的負面傳聞。花姐日前在社交網上載全隻燒雞相，留言：「好食，但難handle，我嘅性格會選擇唔食。」隨即被解讀為Frankie感情事發聲。
花姐回應「燒雞」一事。（陳順禎攝）
姜濤今日現身「麥當勞兒童愛心馬拉松」接受訪問時，花姐亦有就雞髀相解畫，她表示當日有MIRROR成員到新蒲崗綵排，而燒雞為該區名物，成員極力推薦。「咁我手有濕疹，又無膠手套，要赤條條咁用手，於是我就同隊員講『好食，但我處理唔到，我咬兩啖算』個story大家可能都唔會信我，但的確係我當時所講。所以當大家有反應，個隊員都同我『花姐你瀨嘢啦』，姜濤一落機都有send 訊息俾我『花姐，你個story點呀』，我覺得大家唔好諗咁多，Frankie都咁大個人，俾空間佢處理，我希望姜濤早啲拍拖啦。」花姐之後更問姜濤有無心儀對象，姜濤即話「你咪係囉」。花姐表示有慰問Frankie，而佢亦相信對方能夠處理。