反黑英雄｜陳山聰親身上陣拍動作戲意外鎅爆腳 朱晨麗：生死一線
撰文：吳子生
出版：更新：
陳山聰和朱晨麗（朱朱）今日（21/6）現身將軍澳電視城出席無綫劇集《反黑英雄》宣傳造勢活動。山聰受訪時透露與朱朱在新劇中飾演過氣情侶，而且二人有不少驚險動作場面，少不免有損傷：「今次我就唔係打嘅時候整親，反而係自己一時大意，就係喺擒上個石壆嘅時候，唔小心批到左腳嘅上五吋下五吋嘅位置係冇咗成忽肉，鎅爆咗，之後都搞咗好耐先好返，到依家都仲有好深嘅疤痕喺度。不過好多動作場面，我都係自己親身上陣，我係冇用替身，係因為監製係想真實場面真實啲。」
朱晨麗劇中好打得。（吳子生攝）
朱朱續說：「戲裏面有好多動作場面，可以話生死一線，而家喺電視呈現講山聰去救我，但係背後講好耐之前，我係成日都去救佢。不過今次拍又冇受傷，就算俾人打我都冇受傷，反而以前拍我去打人嘅時候 ，我就受傷。（拍打戲周身骨痛？）其實我就好鍾意按摩，咁所以周身骨痛，呢樣嘢係唔會發生嘅，只要一唔舒服嘅時候，走去按摩就會冇事。」
陳山聰親身上陣拍動作戲。（吳子生攝）
造型入型入格。（吳子生攝）
好有型。（吳子生攝）
大合照。（吳子生攝）