薛影儀搞生日婚禮婚紗出自淘寶貨 無望出嫁：前排歐倩怡又離咗婚
撰文：張祖銘
出版：更新：
薛影儀（阿儀）今日（19日）現身銅鑼灣新店開幕典禮。講到阿儀上月舉行40歲生日派對，她接受《香港01》 訪問表示：「我生日會係扮新娘，黃榕好幸運接到三個花球，可能我拋得輕，嗰個活動係我諗出嚟。」她透露上個月請黃榕玩水上樂園，並表示：「着一件頭（泳衣）。」
薛影儀今日（19日）現身銅鑼灣新店開幕典禮。（梁碧玲攝）
被問到為什麼會舉行生日會婚禮，她說：「我諗出嚟，婚紗喺淘寶度訂。」至於會否希望盡快出嫁，她直言：「我唔知結唔結，結咗婚好多人都會離婚，前嗰排歐倩怡又離咗婚，有啲人又識咗第二個，唔開心又會離婚。」
薛影儀透露自己沒有經理人，望接到奧運主持工作。（梁碧玲攝）
薛影儀無望出嫁。（IG圖片）
講到工作安排，她指自己現階段沒有經理人，都是自己接洽工作。她表示希望可以做奧運主持，並透露：「前嗰排我同黃榕拍過健身。」談及現階段的收入，她說：「冇話穩唔穩定，當係兼職咁做。（月入六位數字？）秘密，冇咁多。」被問到會否考慮出新歌，她笑言：「唔出啦！好貴呀，起碼出一首歌都要幾萬蚊，我都唔會出歌啦！」
薛影儀嫌出歌製作費貴，講明唔出新歌。（梁碧玲攝）