歐鎧淳新書封面似名畫《Ophelia》　「忘我狀態好似我身處環境」

港隊「美人魚」歐鎧淳踩入「文化界」將推出新書《淳分享》，昨晚更在fb開live分享寫書感受以及經過，她提到新書內容環繞多年來在「水世界」的追夢過程，亦會提及支持其運動員生涯的家人及男友……另外，她亦對新書封面讚不絕口，頻頻話「呢張相真係好靚」、「可惜唔係『橫度』。」

睇睇呢張咁靚嘅張：身穿白色連身裙的歐鎧淳，閉上眼睛飄浮於水中，身上放有一束鮮花，而河邊亦有不少花花草草……整張構圖同19世紀英國畫家John Everett Millais的畫作《Ophelia》十分近似，該畫描繪的是莎士比亞著作《Ophelia》中的一個場景：Ophelia的情人Hamlet因報殺父之仇而錯殺了女友的父親，自此，Ophelia大受打擊，終至精神錯亂而失足跌落水裏溺斃。到底運動員的點滴同Ophelia為何會拉上關係呢？歐鎧淳在fb live時就提到「故事本身係女仔為了採花而唔意識自己有危險，最後跌落河死咗，如此忘我的狀態，好似我而家身處環境一樣。」係致敬定抄襲，都係讀者自行分曉。