與郭晉安離婚後首受訪笑得燦爛 歐倩怡認有玩交友APP曾與6男見面
一直被視為圈中模範夫妻的郭晉安與歐倩怡（Cindy），5月初無預警宣布早在2年前分居，正式結束近18年婚姻，令外界相當震驚。離婚後歐倩怡首現身接受「Chill Good」YouTube Channel訪問，全程笑容燦爛表現落落大方，更自爆正在玩交友app積極展開人生新篇章。
與郭晉安宣布離婚心情似未受影響 歐倩怡相約天后HIGH TEA
蝦頭及連詩雅大讚歐倩怡是時間管理大師，她回想最辛苦是大仔上小學細女仍在幼稚園的階段：「唔同時間唔同學校接送，嗰陣來回九龍西貢一日8次，油錢時間都幾係嘢。」做人妻後一直相夫教子多年，歐倩怡未有停下腳步努力進修，考獲多個學位碩士及專業資格。她坦言自己對感情持開放態度：「冇所謂，有啲七老八十先遇到真愛喺埋一齊啦，我諗依家呢個世代，緣份擋唔住，要走又挽留唔到，人生就係離離合合，生老病死。」
節目中雖未直接提起「離婚」，但講到關係轉變，歐倩怡大方自爆自己正在玩交友app，更苦口婆心指：「女人真係唔好讀太多書，真係有啲男士係會驚你，講個秘密畀大家知，最近開始玩交友App，profile寫自己咩咩咩，勁得濟係嚇親人，所以盡量簡單啲！不過原來鍾意運動嘅女人，係原來多啲人like。」她指自己純粹實驗性質不是為了認識男士，更真的有相約出來見面，笑稱app超靚仔大多是「伏」：「16歲開始入娛樂圈，我個世界都係娛樂圈入面嘅人，近呢一年喺中醫診所打工，開始接觸呢個社會，但其實好多人際關係、社交手腕等，以前都係靠晒經理人，呢方面我係好渣。所以，其實我係想睇下呢個世界，唔同行業既人做緊乜。」
Cindy透露自己2019年12月曾歷經生死：「不斷發燒睇三次醫生都未能康復，凌晨大約兩、三點，突然感覺到我左手，由中指好似觸電咁去到身體，突然感覺唞唔到氣，好大力想吸但吸唔到，大家唔好以為我講鬼故，唔係！我坐係起身，拍我旁邊嗰個人，我話我唞唔到氣，幾乎我講唔到嘢，佢話唔好玩啦，繼續去瞓覺。當時每一秒都覺得好漫長，佢後來見到我唔對路，上網睇資料睇睇係咪call白車，後來搵到叫我用片糖沖熱水畀我飲，當時我真係去到失禁，周圍都係，去到嗰刻，我覺得自己應該唔得呀喇。」