麻雀樂團｜李佳芯有傳離巢最後一套劇集 ：去到邊我都會蒲頭

視后李佳芯（Ali) 演技精湛街知巷聞，而且所參演的劇集收視向來有保證。不過近年有傳被TVB雪藏，一直未能參與劇集拍攝工作，導致工作量大減。到今年年頭Ali向外透露仍未同無綫傾續約問題，引起外界爭相挖角。及後突然傳出無綫3月開新劇《麻雀樂團》，特意安排Ali與視帝合作。不過有網民揣測今套劇集極有可能是她離巢最後一套的作品。

Ali今晚（12/6）現身銅鑼灣出席無綫新劇《麻雀樂團》煞科宴。對於有傳今套劇集是她離巢前最後一套作品，Ali接受《香港01》訪問時否認是最後一套劇集：「其實我份人好正面㗎，如果有消息我會公佈，如果冇消息就冇消息。（無綫有冇再同你傾續約問題？）呢段時間拍劇係冇傾過，而昨晚先係我拍完最後一場戲，咁所以嚟緊都會傾，係仲有時間。（唔續約都會公佈？）會，如果有消息就會話俾大家知，咁所以而家就冇嘢好講。（好多人擔心呢部係你最後一套劇！）唔會啦，呢行好細，去到邊我都會蒲頭，放心。咁所以我希望大家都會見到我啦。（有網民估你會返娘家HOYTV?)我好多親戚㗎，TVB都係我娘家。」