2024巴黎奧運｜曾志偉唔敢請特首李家超上節目：始終佢日里萬機

曾志偉今日（5/6）現身將軍澳電視城出席全城矚目體壇盛事《2024 巴黎奧運 盡在TVB》記者招待會。曾志偉受訪時透露在黃金時段的所有節目將會取消：「所有由晚8點鐘開始至11點都係播奧運，劇集要暫停，因為奧運係4年一次嘅盛事，加上今屆香港係好有希望，咁所以希望大家能夠坐喺電視機旁邊收睇，見證運動員攞金獎嘅喜悅，而呢種氣氛係唔能夠錯過，咁所以寧願將啲劇集暫停，然後大家全城慶祝，為香港運動員加油。」

上屆東奧，李慧詩爭先賽摘銅後，TVB 邀請特首林鄭月娥亮相節目，更驚喜預告將安排她與李慧詩連線對話。但節目主持其後卻稱李慧詩因「其他事務繁忙」而暫時聯絡不上，直到節目結束，二人依然沒有機會對話。

曾志偉被問到今屆會否請特首李家超上節目？曾志偉說笑表示：「特首佢好多嘢做，未知佢瞓未。我諗如果特首有呢個興致嘅，又想同香港嘅朋友分享嘅話，我哋梗係歡迎。但我哋唔敢邀請，因為唔想難為佢，始終佢日理萬機。」