慶餘年2｜二皇子劉端端原來係星三代 為入中央戲劇學院月減40磅
撰文：鄺鈺瑩
出版：更新：
《慶餘年2》自開播以來引起不少話題，劇中飾演二皇子劉端端與張若昀互鬥心機、或與葉靈兒由退婚到逐漸生愛，亦有唔少睇頭。
37歲嘅劉端端出身演藝世家，外公係話劇導演嚴忠穎、外婆係劇作家白峰溪、媽媽嚴帆帆亦都係一名演員。劉端端當年為考入中央戲劇學院，一個月激減40磅，最終通過招生考試；大學畢業後，劉端端加入中國國家話劇院，由路人角道做起，從未有因星三代身份而獲優待。
喺劉端端入行第十個年頭（2017年），參演張震、楊冪有份嘅《繡春刀Ⅱ：修羅戰場》，飾演信王一角而受到關注，兩年後，因《慶餘年》二皇子一角，演技獲得認可，而當時劉端端亦被爆出原來早在2014年已經結婚，老婆李欣係其經理人，二人育有一女。