2024巴黎奧運｜劉穎鏇做節目主持化身問題少女：會成日問問題

劉穎鏇（Tiffany) 今晚（3/6）現身九龍灣出席邵氏超級網劇《執法者們》煞科慰勞宴。一向熱愛運動的Tiffany透露即將為無綫節目《2024巴黎奧運》擔任主持大感興奮：「公司搵我做奧運主持可能平時都知我好鍾意做運動，加上自己本身都好鍾意追睇奧運，而今次為咗呢個節目，我係要做足晒功課去了解每一項嘅運動，令我上咗寶貴嘅一課。不過今次係好可惜冇咁嘅機會，去到當地做直播主持，因為係委派咗更加專業嘅主持去到現場採訪，不過唔緊要，我會留喺廠度為大家做直播，我諗到時其他主持人都會覺得我會好煩，因為我會成日問問題，我會去問好多項目嘅細節位，希望可以盡地一鋪問晒我想知嘅嘢。」