RubberBand赴非洲索馬里蘭探訪 6號感觸落淚：住嘅地方溶溶爛爛
撰文：吳子生
出版：更新：
RubberBand 今日（1/6）現身啟德出席宣明會X RubberBand「守護脆弱孩子計劃」音樂分享會。RubberBand透露早前随宣明會遠赴非洲索馬里蘭進行探訪，令他們有很大的體會，6號（缪浩昌）受訪時表示：「相隔十年再去感覺好深，因為又係同一個機構宣明會，而且今次比之前去嘅地方仲落後，好多人住嘅地方都係溶溶爛爛。其實喺去之前我都同自己講千祈唔好喊，但最終都係失守咗，喊咗出嚟，好樣衰，尤其係見到啲小朋友。」
泥鯭續說：「其實今次我哋係有好多感觸，記得十年前喺津巴布韋，再30年前就埃塞俄比亞，但嚟到今時今日非洲咁大片嘅土地都仲有呢啲事，真係覺得好可惜，同埋見到佢哋嘅生活基本需要都好缺乏，自己見到都好唔開心。」