顏國樑逝世｜上月曾罕有公開受訪 太太霍潔貞親述搵師傅「續命」
撰文：吳順芯
出版：更新：
顏國樑早年憑TVB經典處境劇《香港81》中飾演「陳積」而為人熟悉，離開幕前多年，2022年自揭患上罕見的鱗狀癌，今日（26日）傳來噩耗，顏國樑最終不敵病魔逝世，終年71歲。上月顏國樑與太太霍潔貞罕有受訪，講述年初走過鬼門關一事時仍猶有餘悸。
上月顏國樑與太太霍潔貞亮相梁思浩節目《直播靈接觸》，當時顏國樑精神比以前氣色好，接受化療及免疫治療後，今年一月初又遇癌症復發，昏迷留院半個月險入鬼門關。當時梁思浩指回憶年初得知顏國樑出事：「嗰15日真係生死邊緣，你真係要多謝太太，真係令我好感動，佢周圍去拜託人希望你生存續到命。係佢嘅功德，所做嘅一切畀你返嚟。」
霍潔貞透露當日護士指顏國樑情況非常危急，並表示只要3分鐘內救不到就會死。原來在藥石無靈階段，顏國樑彌留之際，太太毅然請師傅「續命」，顏太指：「佢好困難吸緊純氧，每一秒都好用力、好辛苦呼吸，好似隨時會停止咁，心情真係好驚。去咗濟公廟誠心求拜，同埋拎佢平時寫嘅心經去化咗佢。」