前TVB黃金配角機場與粉絲友善合照 曾因登台疑似黑面被斥耍大牌
撰文：董欣琪
出版：更新：
現年59歲的郭政鴻在2015年離巢TVB後轉往內地發展，密密拍劇、登台及直播帶貨，曝光率不減。早前郭政鴻到順德一間酒吧登台時，因落車後笑容欠奉，亦沒有揮手同大家打招呼，引來網民直斥他耍大牌。不過日前有網民在機場偶遇郭政鴻，並在社交平台曬出合照，寫道：「機場轉機偶遇香港TVB明星『通臂猿猴』。人很帥！很友善！大時代滿滿的回憶！」相中所見，身穿牛仔褸、頭戴Cap帽的郭政鴻推着行李箱，他與粉絲合照時面露微笑，態度友善，不少網民都留言大讚他看上去十分年輕！
其實郭政鴻早前出席活動時亦有為疑似黑面解畫，他在接受《香港01》訪問時解釋因當時是夜晚，沿路燈光昏暗要專注行路，並再三強調沒有耍大牌：「因為架車一到嘅時候，我哋對嗰個位係陌生嘅，『郭生向前行』我哋聽到佢講之後我哋就望住嗰個位就向前行，人哋同我哋打招呼我哋係唔會理住，因為嗰個位黑，有咩問題會撠倒，咁就好麻煩。去到一個陌生嘅地方、場景，會加倍小心好多。其實根本就唔係黑面，根本係我要行去，搵嘢嚟講啫。」他表示看完新聞後「得啖笑」。