大馬女神林宣妤公開回應與劉俊堅戀情：睇你哋自己點睇

林宣妤今日（18/5）現身葵涌為ViuTV劇集《哪一天我們會紅》開工。宣妤接受《香港01》訪問時透露在新劇中飾演一名KOL，而且性格比較執著，與現實中的自己性格兩極：「 呢個角色嘅性格，佢係好在意人哋點去睇佢，有時候佢會好模糊，會好顧及粉絲嘅感受，有時模糊咗，會影響到自己嘅情緒。變咗佢係要點樣去面對呢啲難題。」

宣妤續說：「相反現實中嘅自己就冇咁介意，都會專注返喺工作上面。記得啱啱出道嘅時候，如果睇到一啲負評係會唔開心，但當出道一段日子之後，自己就會覺得呢啲唔係咁重要嘅事，變咗而家我係選擇唔睇得唔仔細，只係望吓啲相就算。唔想因為一篇報道而影響到自己個心態。反正自己都係想做好一個演員。」

被問到是否和劉俊堅拍拖？宣妤甜絲絲說：「其實我喺呢套劇入面都有同人哋拍拖，哈哈。（你同劉俊堅拍拖係真嘅？）哈哈，堅定流㗎，就要睇你自己點睇啦，哈哈，（我哋睇係真㗎！）哈哈，大家都係關注返套劇，因為大家都好辛苦寫。」