【Happy Monday】「仙氣女神」Judy Kwong揀男友：追我要有耐性

正所謂搵女朋友就最要「GFable」、樣靚笑起嚟要甜、最好可以入得廚房出得廳堂見得朋友啦。雖然以上條件好似多咗啲，但係又真係有喎。今次要講嘅係被網民封為「仙氣女神」的Judy Kwong (鄺潔楹)。

當然，大家最熟悉她的就是TVB娛樂新聞台的她。平日網民就已經十分留意Judy的一舉一動，cap圖之餘仲成日讚佢鄰家女孩feel得嚟又自然唔造作。不過要數她的「成名之作」就不得不提J2台播放的《3日2夜》台中篇節目。女主持在介紹風景名勝之外，就例牌一定會浸下溫泉。而鄺潔楹著住粉紅色比堅尼跳住舞浸溫泉，真係電暈晒廣大嘅男性。

雖然說Judy是由美國畢業回港拍攝《3日2夜》，但是她仍然對穿泳衣上鏡有一點點保留：「其實我本身自己係唔抗拒著泳衣嘅。但係喺咁多觀眾面前呢，講真，一開始都有少少慌慌地。所以 ，嗰陣時我都有特登問，其實會著幾多套。如果要著3套嘅話呢，我可能有少少抗拒。最後就淨係著咗一套囉(笑)。」不過呢，個節目出嚟個效果靚咪得囉，係咪？

Judy(鄺潔楹)其實除了喜愛跑步，她說還會不時下廚煮返幾味(所以大家會看到Judy在影片中煮早餐)。雖然，她表示自己不懂煮複雜的菜色，但煎蛋煎腸都已經「有板有眼」，可算是有完美女友的其中一個要求，「入得廚房」。Judy咁「GFable」，就實係多男仔追啦，不過佢就話好少人追喎…(你又信唔信先?)

p.s. Judy，生日快樂吖～XD


Special Thanks : Jam Cast Management HK Ltd