無綫小花升格做豪門闊太竟不知港鐵入閘要收錢　網民批離地無常識

現年31歲的前無綫小花陳詩欣（Eunice）憑節目《3日2夜》及《學是學非》彈出，更有「一件頭女神」之稱，她自2021年尾嫁圈外有米男友陳爾正（Joshua）後就淡出幕前，婚後搬入千呎半山豪宅，又經常周遊列國，大曬奢華行頭，安心過少奶奶生活。生活十級跳的陳詩欣婚後已甚少出現在幕前，早前更有傳她經常推job，並等約滿離巢。

陳詩欣自從升格為豪門闊太後，便過住上流社會的富貴生活，未知是否因此而變得離地。日前她於社交網分享了一條短片，片中見她正在港鐵站閘口「嘟」卡出閘，並生氣地向朋友表示：「影低佢，收$3.9」並留言寫道：「分享一件無聊事，話說今日我同朋友一齊去銅鑼灣TIMES，發現落雨了，她就好醒咁同我講我哋可以喺TIMES入閘然後SOGO出我哋冇搭地鐵應該唔會收錢~結果..我呢段路收咗$3.9。我老公話點解你們會覺得入咗閘可以唔收錢，又真係！蠢嘅真係要同啲蠢嘅做朋友，真係蠢到冇人有。」原來她竟然以為入了閘但不搭車就不用付款，網民都紛紛留言批評她生活離地：「有錢人係咁離地」、「基本常識都冇」。